Քրիստոնեաներու միութեան աղօթքի շաբաթը` համամիութիւնը խաղաղութեան ի նպաստ։
(Ռատիօ Վատիկան) Կիրակի`18 յունուարին սկիզբ առաւ քրիստոնեաներու միութեան
աղօթքի շաբաթը (18-25 Յունուար)։ 2015-ի նիւթը առնուած է Յիսուսի սա խօսքէն. ‘’ջուր
տուր ինծի խմելու’’։ Հայր Mansueto Bianchi` նախագահը իտալիոյ եպիսկոպոսական դասի
համամիութիւն ու երկխօսութիւն յանձնախումբին, խօսելով միութեան աղօթքի շաբաթուայ մասին
բացայայտեց թէ` Անցեալ տարի ֆրանչիսկոս Քահանայապետը եզրափակելով քրիստոնեաներու միութեան
աղօթքի շաբաթը ըսաւ. ''Միասնաբար քալել ինքնին միութիւնը իրագործել է։ Միասին քալելով
կը կերտենք խաղաղութիւնը։ Համամիութենական երկխօսութիւնը հիմնական տարր մըն է զարգացնելու
քաղաքակրթութիւնը եւ քաղաքակրթութիւն կը նշանակէ խաղաղութիւն, կը նշանակէ տնտեսական նոր
դրութիւն, կը նշանակէ նոր կապեր հաստատել ժողովուրդներու ու երկիրներու միջեւ։ Հետեւաբար
համամիութենական երկխօսութիւնը հիմնակէտ է խաղաղութեան, Աստուծոյ խաղաղութիւնը որ կը
հաստատուի մարդկութեան մէջ''։